【Emily】圍封惹議 「啟德之鏡」將復原貌 體育園測試期改用圍欄 議員：順民意
[2024.12.04] 發表
【明報專訊】啟德車站廣場有個水景休憩地方，由於可以影到啟德環境倒影，街坊稱之為「啟德之鏡」。Emily上月底報道過，因啟德體育園近期做測試賽，當局以人流安全為由用花槽、欄杆圍封水景，影響「啟德之鏡」呢個打卡位。近月民情洶湧，居民甚至集體致電「1823」投訴，當區立法會議員楊永杰同Emily講，康文署告知將回復啟德車站廣場水景原貌，但會喺體育園做演習及測試期間改以圍欄臨時圍封。
體育園本周末兩日測試演練
楊永杰話歡迎政府嘅新安排，指當局圍封景點後居民反響大，政府知道後迅速修正，都算係民生事務上順應民意嘅表現。Emily就事件一直追問康文署，署方噚日回覆，話啟德車站廣場係體育園主要通道，為配合體育園人群管理演練，因應安全角度考量，喺廣場一啲靠近通道嘅水景位置以試驗性質放置花槽，以防有人誤入水池發生意外。康文署話，「備悉市民意見，並已檢視情况，將進一步完善現有安排。」
講開體育園，當局近期已喺啟德站出告示預告未來一兩周測試嘅「節目表」，籲居民出入時留意人流管制措施，包括周六(7日)下午啟德體藝館有球賽，周日(8日)黃昏喺體藝館及青年運動場有測試演練，下周六(14日)喺青年運動場再有一場體育賽事。
更多港聞
【Emily】黃大仙簽品哲理中心 獲認證「解籤檔最多建築」
【明報專訊】唔少善信去到黃大仙祠會求番支籤，仲會去祠前面嘅「東華三院黃大仙簽品哲理中心」（圖）幫襯解籤師傅。簽品哲理中心現有161個解籤檔，... 詳情
【Emily】立會label國產酒款高官 議員讚價廉物美
【明報專訊】立法會噚日舉行午宴，宴請特首李家超、行會成員同政府高級官員。Emily留意到，枱上擺放嘅紅酒上面招紙有立法會「立」字標誌，細心睇... 詳情
【Emily】義工為梅子林添色彩 黃錦星籲復育老村
【明報專訊】沙頭角荔枝窩深山有客家古村名為「梅子林」，當中嘅壁畫村係港產片《緣路山旮旯》取景地。前環境局長黃錦星噚日喺facebook話，有... 詳情
【Emily】中國工藝精品展 岫岩玉德化瓷百作品
【明報專訊】中國工藝美術玉雕瓷器精品展交流會噚日起喺中環中商藝術大廈舉行，包括石雕藝術家麻雙鳴等多名藝術家出席，並展出過百件作品，涵蓋遼寧岫... 詳情相關新聞
