【Emily】財爺帶黃仁勳食小炒 歎啤傾AI

訪港嘅Nvidia總裁黃仁勳（右五）應邀同財爺陳茂波（右四）、科大校長葉玉如（右三）及科大校董會成員等人，前晚去深水埗食小炒，枱面開咗唔同品牌嘅啤酒。（陳茂波網誌圖片）

【明報專訊】人工智能(AI)晶片龍頭企業Nvidia(英偉達)行政總裁黃仁勳前日一襲禮服喺科技大學接受工程學榮譽博士榮銜後，晚上即刻著番招牌皮褸現身深水埗，同財爺陳茂波、科大校長葉玉如及科大校董會高層，一齊去人氣小炒飯店「愛文生」搵食。愛文生出名鑊氣猛，夠地道風味，唔少旅遊網都有推介。財爺喺網誌上載圖片，無展示佢哋點咗咩菜式，但就見到枱面擺放咗各國品牌嘅大啤，似乎大家高興暢飲。

陳茂波：同持份者交流好重要

去街坊食肆，陳茂波一身恤衫、牛仔褲招呼貴賓，形容前晚參與咗一個很有特色嘅餐敘。佢哋一邊歎住啤酒，一邊傾吓人工智能及創科展望。陳茂波話，同持份者交流對話好重要，話𠵱家係創新科技推動巨大變革嘅時代，其中人工智能推動住不同行業嘅變化，而無論係創科行業嘅前沿創新，又或者研發成果落地應用，都需要同業界多了解，話咁先有助啟發多角度思考發展過程中嘅潛在挑戰與機遇，以及推動更多跨界別、跨行業協作機會。

陳茂波話，河套香港園區加速發展，加上近年政府喺創科投入大量資源同政策支持措施，香港從企業、資金、技術以至人脈網絡上，可構建出更全面嘅創科生態圈，創科就能進一步朝「產業化發展」方向邁進。

更多港聞

【Emily】佛山順德取經「低空經濟」 議員倡港結合AI發展產業

【明報專訊】近年內地積極發展「低空經濟」，港府亦成立咗工作組發展。最近大灣區低空經濟聯盟成員去咗佛山及順德考察，了解當地政府嘅無人機城市管理... 詳情

【Emily】梁栢賢女兒成麻醉專科醫生

【明報專訊】醫管局前行政總裁梁栢賢（PY）已經退咗休幾年，愛女Phoebe就繼承父業行醫。PY噚日喺facebook分享喜訊，話Phoebe... 詳情

【Emily】田北辰扮小丑魚講瀕危 小朋友會錯意

【明報專訊】實政圓桌立法會議員田北辰年過七十似乎童心未泯，仲扮鬼扮馬扮上癮，繼扮聖誕樹、扮鬼扮殭屍，噚日喺元朗搞嘉年華會時以一身橙色小丑魚造... 詳情

【Emily】潮州節20萬人次 林鄭月娥被鵝吸引

【明報專訊】第四屆「香港潮州節」噚日閉幕，活動喺香港會議展覽中心舉行，大會話五日嘅展期有逾20萬人次入場，營業額升一成。今年潮州節以「潮韻相... 詳情

教局「守門人」講義 籲從周記識別自殺風險

【明報專訊】學童自殺問題備受關注。教育局近日在網站「校園．好精神」上載講義，分別向中小學教師說明在學校識別及支援有自殺風險學生的有效支援措施... 詳情