【Emily】陳浩源任毅行者大使 鼓勵更多殘疾者參加
[2024.11.08] 發表
【明報專訊】一年一度嘅樂施毅行者下周五(15日)起一連3日舉行，樂施會噚日話，截至上月底有超過4000人合共過千隊報名，最大78歲，最細18歲。
今年繼續有智障及殘疾人士組隊參賽，樂施會特別邀請剛退役嘅殘疾羽毛球港將陳浩源做活動大使。陳浩源話毅行者要求4人一隊，喺48小時內互相扶持走完100公里山路，本來就唔容易，對殘疾人士更係好大挑戰，佢希望透過做大使，鼓勵更多殘疾人參加呢項活動，突破自我。
今屆毅行者路線繼續由西貢北潭涌出發，終點係屯門哈羅香港國際學校，沿途有9個檢查站。另為慶祝活動40周年，今年特別增設「40公里限定版」路線，由北潭涌至飛鵝山基維爾營。為減少垃圾，喺起點、終點同所有檢查站將唔會派發紙杯或即棄器皿，所有參加者要自備水樽、器皿或者餐具。
更多港聞
【Emily】城大禮儀兵器展 體現藝術科技融合
【明報專訊】城大為慶祝升格大學30周年，周二（5日）起喺校內嘅般哥展覽館舉辦「威武奢華：跨文化禮儀兵器藝術展」，展出近200件禮儀兵器同盔甲... 詳情
【明報專訊】去旅行掃貨固然開心，但要拖住大大件行李由機場往返屋企唔係咁易，香港快運（HKExpress）近日同順豐香港合作，推出機場行李送遞...
詳情
【明報專訊】教資會轄下質保局昨發布「香港理工大學質素核證報告」，其一章節關注理大如何支援學生，稱理大在大學、學院和學系層面均設學生代表，有助...
詳情
【明報專訊】立法會去年通過修訂《嶺南大學條例》，當中取消由學生會會長擔任校董會當然成員及諮議會成員，改以學生互選產生，再由校董會委任。首場校...
詳情
相關新聞
