【Emily】黃大仙周末搞市集 汕頭美食免費歎
[2024.10.23] 發表
【明報專訊】唔少港人鍾意趁周末北上消費，九龍東潮人聯會將由今個禮拜五(25日)起一連3日，喺黃大仙廣場舉辦「潮IN黃大仙」活動，市民到時可留港體驗下汕頭著名景點「汕頭小公園」，仲可以免費享用多款汕頭美食，例如內地人氣火鍋店「八合里牛肉」嘅牛丸、同埋香港日日香嘅鵝肉添！
重現「汕頭小公園」供打卡
「潮IN黃大仙」會有16個攤位，包括潮汕手打鴨屎香檸檬茶、惠來潮州魚蛋、潮州功夫茶(圖)等特色攤位，主辦方會喺現場派發換領券，市民可憑券換領食物。入場嘅人仲可以即場製作專屬自己嘅燈籠，以及同來自各地嘅非物質文化遺產傳承人互動，體驗剪紙、刺繡、木雕等技藝。活動期間仲會有青年歌手駐場獻唱流行同經典歌曲。
提到「汕頭小公園」，主辦單位特設8米高門拱，呈現小公園中心嘅中山紀念亭，畀市民「打卡」留念。九龍東潮人聯會常務副會長黃東周話，今次活動「落重本」，希望透過推廣家鄉文化，加強市民尤其青年對國家、家鄉嘅認識同歸屬感。
更多港聞
【明報專訊】公務員事務局法定語文事務部之前舉辦普通話問答比賽，畀政府人員參加，最近局方揀選其中10條題目，畀公眾都測試吓自己嘅普通話知識。問...
詳情
中大法學政政社會學 JUPAS收生分數跌 指學生避落差 選舊制無通識加權學科
【明報專訊】中文大學近日公布今年經大學聯招（JUPAS）入讀各本科課程的收生分數。因應公民與社會發展科首年取代通識教育科，不少科目收分水平有... 詳情
相關新聞
