【Emily】兩蚊搭車 政府提你8．25起須用樂悠咭
[2024.07.19] 發表
【明報專訊】年滿60歲長者下月25日起必須使用「樂悠咭」以享用兩蚊乘車優惠，不記名長者八達通同一般個人八達通將不再適用。副勞福局長何啟明噚日去咗禮頓山社區會堂嘅臨時申請服務中心了解申請情况，亦同「老友記」傾偈。佢提醒大家盡快申請「樂悠咭」，又話老友記大讚過程快捷便利，成功申請後就出行無憂。
政府喺港島、九龍及新界共設立8間臨時申請服務中心，辦公時間係星期一至五上晝9點至晚上8點，星期六上晝9點至下晝1點，星期日同公眾假期休息。各中心啟用至今處理咗超過2200宗申請同埋約1000宗查詢。
市民亦可以郵寄方式或透過「八達通App」向八達通卡有限公司申請。何啟明提醒市民，由於樂悠咭申請需要約4個星期，建議7月28日前申請，咁就萬無一失喇。
更多港聞
【明報專訊】全球每6名孕婦中就有一人患有高血糖症，影響母嬰健康，罹患妊娠糖尿病更會令將來患糖尿病風險高7倍。中大推出新項目，目標建立有200...
詳情
相關新聞
