【Emily】學生扮區議員開會 局長旁聽
[2024.07.19] 發表
【明報專訊】政府各部門不時舉辦活動畀學生參加，近日油尖旺民政處同區議會就合辦「模擬區議會」會議，邀請咗區內九龍三育中學、保良局莊啟程預科書院嘅20多名學生，扮演區議員和政府部門代表，討論4項真實地區議題，民政及青年事務局長麥美娟都去咗旁聽會議。麥美娟大讚同學準備充足、態度認真，好關心社區發展，希望大家未來可以參與更多地區事務同活動。
另外，教育局早前舉辦「我寫我歌」音樂比賽，收到60多所中小學接近200段影片，分別有廣東話、普通話同英文嘅作品，之後由初選評審選出13份作品喺「學生表演暨頒獎禮」首演。教育局長蔡若蓮話，今屆作品嘅題目包括友誼、克服困境嘅勵志故事、個人成長經歷、愛國情懷等，而當日大獎「最佳演出獎」分別由天神嘉諾撒學校、保良局何壽南小學、香海正覺蓮社佛教梁植偉中學及顯理中學奪得。
更多港聞
【明報專訊】全球每6名孕婦中就有一人患有高血糖症，影響母嬰健康，罹患妊娠糖尿病更會令將來患糖尿病風險高7倍。中大推出新項目，目標建立有200...
詳情
相關新聞
