【Emily】工聯換屆吳秋北黃國連任 鄧家彪陳穎欣任副理事長
[2024.05.31] 發表
【明報專訊】工聯會新一屆領導層噚日見記者，會長吳秋北同理事長黃國連任，立法會議員鄧家彪同陳穎欣就擔任副理事長。吳秋北話，工聯會將部署下年立法會選舉，強調當仁不讓，會以工作成績爭取各界支持，唔會等到下年先預備。
工聯會前日選出新一屆領導層，任期3年。今屆10個副理事長當中包括鄧家彪同陳穎欣。吳秋北話，領導層20人當中有4個立法會議員，亦有5個區議員，都較上屆明顯增加，希望加強喺議會推動勞工政策，配合工會發展。
舊年區議會選舉同前年立法會補選，工聯會成績未如理想，被問到會唔會因應下年立法會換屆調整同部署，吳秋北就話將會開始部署，但強調一直服務地區同社會。
吳秋北仲提到，今屆領導層平均年齡49歲，比上屆年輕3.3歲，形容係「年輕化」，期望「以老帶新」。黃國就話，工聯會將繼續關注就業、房屋、醫療等社會民生問題，團結社會各界發展經濟、改善民生，亦促請政府改善勞工政策。
更多港聞
【明報專訊】唔少人都會喺屋企存放唔同藥物以備不時之需，不過過分囤積會造成浪費。屈臣氏近日同太平山青年商會合作推行「全港藥餘回收計劃」，聽日起...
詳情
【Emily】愛國教育小組辦吉祥物標誌設計比賽
【明報專訊】「愛國主義教育工作小組」上月底首次開會，討論全方位推展愛國教育，噚日身兼全國人大常委嘅工作小組組長李慧琼就宣布，小組將以「愛國愛... 詳情
【明報專訊】唔少網上情緣騙案都涉及跨境犯罪，香港警察最近首次同新加坡警察合作，製作咗一條防騙影片，片中香港警員同新加坡警員分別一路行一路Fa...
詳情
相關新聞
