【Emily】節日「留港派」 曾俊華談睇戲講到選擇空間
[2023.12.25] 發表
【明報專訊】前財爺曾俊華屬退休人士，唔使爭住喺長假期去旅行，話自己向來都係節日「留港派」，趁假期揀咗幾齣唔同題材嘅電影同舞台劇睇，似話中有意，「喺呢個時代環境，我哋仍然可以有咁多選擇，有機會欣賞到咁多元嘅文化藝術創作，係值得開心嘅，如果有朝一日，我哋選擇空間收窄咗，真係唔敢想像」。
曾俊華喺facebook話，佢已四圍搵好嘢睇，其中一套係低成本、高票房嘅西片Sound of Freedom《自由之聲》，另一套係許鞍華執導嘅紀錄片《詩》，仲有改編自香港小說作家陳浩基推理作品嘅舞台劇《作家出道殺人事件》。佢話以上嘅選擇比較小眾，性質好唔同。Sound of Freedom係講美國跨國販買兒童人口事件，佢慨嘆話想像唔到喺今時今日，全球被「奴役」嘅人口，係比歷史上任何時間，包括擁有奴隸仍然係合法嘅舊時代仲要多。
曾俊華話節日留港有好處，因為當好多人外遊，市面鬆動咗好多，不論去銅鑼灣、海港城，人車都少咗一大截，反而可以好舒服咁四圍行吓、買嘢同食嘢。佢話噚日平安夜都係同屋企人食餐飯當過節，因為佢好多朋友已經唔喺香港，所以今年都冇乜聖誕聚會喇。
更多港聞
【Emily】人大常委會會議今開鑼 李慧琼盼謝海關總署 鄺美雲首列席
【明報專訊】聖誕節於香港係普天同慶嘅假期，內地就工作依舊，全國人大常委李慧琼噚日就去北京，準備出席今日至29日舉行嘅第十四屆全國人大第七次常... 詳情
相關新聞
