【Emily】口岸偵緝犬添生力軍
[2023.12.11] 發表
【明報專訊】漁護署喺網上公布，佢哋嘅檢疫偵緝犬近日加咗一名生力軍，呢位新星就係比格犬Bmo，佢啱啱完成咗偵緝犬訓練，正式喺入境口岸返工。據漁護署介紹，Bmo係一隻近兩歲嘅狗女，今年先加入偵緝犬隊伍，形容佢性格活潑、為食，同埋有探索精神，即係好啱擔任偵緝犬啦。
漁護署話，部門嘅偵緝犬會喺各入境口岸執勤，負責偵察同打擊走私檢疫物品。偵緝犬經訓練後能夠用嗅覺辨認受管制物品，即使啲嘢收埋喺行李或多層衣物入面，都難佢哋唔到。至於Bmo，大家除咗會喺口岸有機會見到佢，署方話嚟緊喺公共交通工具上都會見到佢同其他偵緝犬嘅宣傳片。
漁護署不忘提醒市民，進口哺乳類動物(例如貓、狗)或佢哋嘅衍生物(例如貓、狗屍體、身體部分)、鳥類同爬蟲類等，都受香港法例管制；任何人進口或經香港轉口動物，必須先得到該署簽發嘅特別許可證，並須符合證上訂明嘅條款，違者可被檢控。
更多港聞
中大60周年晚宴 鄭雁雄題詞 陳茂波：中大人關心大學發展 如關心香港國家
【明報專訊】中文大學近年歷經校長續任、校徽更換及校董會改組等風波，迎來創校60周年，昨晚舉行校慶晚宴。中聯辦主任鄭雁雄題寫賀詞「博文臻大道 ... 詳情
港大新法觀察含流體岩石 可用於海嘯早期預警系統
【明報專訊】港大地球科學系助理教授劉昕領導的團隊，與來自美國和內地的地震學家合作，研發一種名為「背景噪音差分伴隨層析成像」（ambient ... 詳情
【明報專訊】世界貿易組織（WTO）一連三日在日內瓦開會，完成檢討香港貿易政策，其中美國代表會上關注香港在國安法實施後自治持續受侵蝕。港府會後...
詳情
相關新聞
