【Emily】高才通協會辦speed dating 尚海龍：中外青年都歡迎
[2023.12.04] 發表
【明報專訊】臨近聖誕，相信都有單身男女希望「出pool」，過個暖笠笠佳節。香港高才通人才服務協會下周五(15日)會搞場「緣起香江 情定維港」speed dating，希望幫到一班單身高才喺香港搵到另一半，等佢哋可落地生根。據宣傳海報，「原TVB普通話新聞主播」林凱鈴係參加者，其餘參加者亦有來頭，包括深圳廣電主持人、復旦大學碩士、倫敦帝國理工學院碩士兼科學園女工程師。
兩成高才通單身 有人話搵唔到伴
協會前日喺微信公眾號公布呢次活動，話除咗幫在港高才解決衣食住行，亦諗到個人終身大事；帖文話活動有得食、有得飲，仲唔使錢。創會會長尚海龍同Emily講，無論係本港、高才甚至海外來港青年都可報名，希望藉呢次機會幫到高才融入香港，識多啲本地人。
特首李家超早前出席協會嘅典禮，話希望大家鼓勵新來港人才落地生根，貢獻香港，仲話如果可以介紹男女朋友畀佢哋仲好。尚海龍話，𠵱家高才通嘅單身者佔整體約兩成，亦的確有高才反映識唔到男女朋友，認為如果佢哋喺香港識到另一半，留低嘅機會率高好多。
12．15免費參加 盼情人節再辦
尚海龍話現已有約50人報名，當中多為女性，佢希望最後男女各有20，高才及本地各佔一半，每人仲可帶多一個親友參與。佢話活動會喺九龍區一間酒店嘅會所舉行，由下晝3點至晚上9點，會有破冰活動，等參加者互相了解，玩吓遊戲。
佢透露，今次活動投入咗6位數資金，但考慮到收錢會比較麻煩，最後決定以公益性質進行；又形容報名都算踴躍，計劃明年可以搞多幾場，最快希望出年情人節再搞多次。
更多港聞
【Emily】學生訪青山精神健康館 體驗患者之困
【明報專訊】青山醫院設精神健康體驗館，希望畀市民認識精神病，消除誤解，並對患者更有同理心。體驗館早前已開放畀公眾喺網上預約免費參觀，政府新聞... 詳情
【明報專訊】喺阿聯酋迪拜舉行嘅《聯合國氣候變化框架公約》第28次締約方大會（COP28）首個衛生日，賽馬會公益慈善研究院同美國洛克菲勒基金會...
詳情
【Emily】88年前「不畏艱」報道長征 李家超籲新傳媒人學范長江
【明報專訊】特首李家超噚日喺「范長江行動」10周年慶典系列活動視像致辭時話，已故中國記者范長江係中國報壇巨人，喺1935年開展咗10個月考察... 詳情
【Emily】浸大高球慈善賽 榮休校長謝志偉返港捧場
【明報專訊】浸會大學上周五舉行「浸大高球二十周年慈善盃」，吸引210名嘉賓出席，包括好耐無見、生於澳門嘅浸大榮休校長謝志偉，佢專程由澳門返港... 詳情相關新聞
