【Emily】深水埗共融遊樂場 旋轉滑梯康署轄下No.1
[2023.11.27] 發表
【明報專訊】康文署轄下嘅深水埗公園兒童遊樂場改建為共融遊樂場，噚日起開放畀公眾使用。新遊樂場佔地約6400平方米，較原有面積增加4倍以上，設置多種類型嘅鞦韆及唔同高度嘅滑梯，其中位於「沙丘地堡」主題區嘅攀爬塔連接高逾6米及長逾13米嘅旋轉滑梯，係康文署轄下遊樂場最高及最長嘅滑梯。Emily趁周日下晝去睇吓，公園好熱鬧，有過百個小朋友喺度玩，玩滑梯要排長龍，但見佢哋都玩得好開心。
康文署話，新遊樂場屬公共遊樂空間改造計劃一部分，設計採納市民以「大自然主題」為設計概念嘅意見，以「沙」、「植物」、「水」為主要設計元素，分別設有「沙丘地堡」、「森林草原」及「綠洲噴泉」3個主題區。
新遊樂場除咗設置鞦韆同滑梯，亦設置攀爬繩網、敲擊樂管和鼓、健身區，仲有可供輪椅使用者享用嘅氹氹轉同彈牀等。康文署話，使用者可按其能力及喜好選擇遊樂設施，並促進長幼、傷健及社會融合。
更多港聞
【Emily】大馬、越南軍艦訪港 同解放軍打友誼波
【明報專訊】馬來西亞同越南海軍兩艘軍艦上周五抵港訪問，係新冠疫後少有外國軍艦停靠香港。內地官媒報道，馬來西亞海軍「雪蘭莪」號巡邏艦同越南海軍... 詳情
【Emily】外交公署乒球賽 領導「全程參加、靠前指揮」
【明報專訊】外交部駐港特派員公署喺本月17日舉辦內部乒乓球比賽，係公署近年嚟首次搞全署體育比賽。公署話領導全程參加活動，署理特派員李永勝發表... 詳情
【明報專訊】浸會大學擬將文學院及社會科學院合併，方案原於今天（27日）交教務議會審議，下月交校董會通過，惟方案掀起校內爭議。浸大文院社科院合...
詳情
科學外展好奇號游走29校 學生登車體驗「納米生活」
【明報專訊】科學不止存在於實驗室，日常生活亦蘊藏科學原理。康文署科學推廣組去年底派出外展活動車「好奇號」到訪36處地點，包括29所學校，透過... 詳情相關新聞
