【Emily】會展推廚餘回收 書展集得2300公斤
[2023.07.28] 發表
【明報專訊】一連7日嘅書展日前結束，會展管理公司喺今年書展首次推行「綠在會展」廚餘廢物回收行動，美食區同埋參展商用膳區都設置咗廚餘、廢物分類回收桶，總共收集到近2300公斤廚餘，會送去政府屬下嘅廚餘處理設施 O．Park1，轉廢為能。
會展管理公司董事總經理梅李玉霞話，「綠在會展」除咗增加大眾對廚餘分類嘅認識，仲提高咗公司對實踐綠色承諾嘅認同及責任。佢哋由2018年起已經有參加 O．Park1嘅廚餘回收計劃，將會展嘅餐廳、廚房同宴會活動嘅廚餘運送去 O．Park1。上年佢哋仲推出計劃，鼓勵主辦機構同承建商回收包住展覽品嘅塑膠保鮮膜，自2022年7月推出到今年6月尾，已經收到接近4900公斤嘅塑膠保鮮膜。
更多港聞
【明報專訊】立法會暑假休會，唔少議員乘機出來考察，其中身兼香港青年學生動力主席嘅議員吳傑莊就同一班青年企業家去咗內蒙古，仲出席香港青年學生動...
詳情
相關新聞
