【Emily】百周年特刊 律師會增訂紀念版
[2023.07.27] 發表
【明報專訊】律師會上年慶祝成立115周年，今年意猶未盡，再喺早年出版嘅百周年特刊基礎上增訂紀念特刊，涵蓋2007年至上年嘅香港同法律界大事。律師會會長陳澤銘同10名律師會前會長范華達、葉錫安、蔡克剛、葉天養、何君堯、葉禮德、蘇紹聰等，以及多名理事一齊出席新書發布會。
涵金融海嘯反修例疫情
Emily睇過特刊，其中記錄2008年金融海嘯、2019年反修例示威到新冠疫情等香港大小事，同埋律師會當時回應。例如《逃犯條例》修訂部分，特刊提及，唔少公眾當時關注修例，或多或少源於唔熟悉而懷疑內地刑事司法制度，律師會認為當時政府可再詳細研究，毋須急於立法；及後示威愈演愈烈，律師會兩年間8次出新聞稿譴責暴力同呼籲尊重法治。
陳澤銘喺序言中話，律師會一直堅定捍衛法治同司法獨立，又提醒相對疫情同社會動盪，法律展現更強嘅韌性，係幫社會應付呢啲挑戰嘅重要元素。
更多港聞
相關新聞
