【Emily】9?1收地在即 哥球會續宣傳保育 粉嶺「舊場」6個周日下午開放
[2023.07.17] 發表
【明報專訊】政府將於9月1日收回佔地170公頃粉嶺高球場當中嘅32公頃「舊場」土地，收地在即，反對收地嘅香港哥爾夫球會繼續宣揚保育球場造勢，噚日公布由下周日(23日)起逢星期日下午開放「舊場」1至3號洞畀公眾，話球場會變為歷史生態公園，市民可以喺球場進行唔同活動，並帶埋毛孩入場一齊玩。但球會提醒，唔建議市民入去自行打高球，話場內活動以靜態為主；早上則維持球場嘅功能。
歡迎毛孩 唔建議自行打高球
球會話，今年「七一」回歸日試行嘅「早上高球場下午公園」開放模式，吸引逾萬市民入場參與，運作亦成功，因此決定延續開放安排，球場會喺7月23日至8月31日期間嘅6個星期日，由下晝1點至晚上9點開放舊球場1至3號洞，上午則維持做球場。球會提醒，唔建議市民嚟自行打高球，場內活動以靜態為主，市民可以喺林蔭處處嘅草地上欣賞大自然，以至帶埋毛孩嬉戲。現場有免費泊車位，先到先得。
郭永亮：共融助說好港故
香港哥爾夫球會會長郭永亮透過新聞稿話，舊場可發揮嘅功能非常多元化，包括為熱愛高球者提供一個地標式國際錦標賽場地，也為公眾帶來一個古蹟和生態共融嘅公園。佢話佢哋一直悉心保育球場，所以大量具保育價值嘅動植物可繼續棲息，又話舊場可以採納高球場和歷史生態公園嘅模式共融共存，既可惠及市民，亦有助喺國際舞台上說好香港故事。
更多港聞
【Emily】走訪福州三坊七巷 議員倡港借鏡保育
【明報專訊】立法會主席梁君彥日前帶團去福建考察，第二日就去咗歷史文化街區三坊七巷。翻查資料，三坊七巷整體格局有逾1100年歷史，保留嘅逾15... 詳情
【明報專訊】由旅發局主辦、「開心香港」系列活動嘅「樂聚維港嘉年華」，首輪維港水上音樂會門票之前喺網上不足半個鐘就換晒，今日會再推出新一輪水上...
詳情
【Emily】唔怕郵局關 23自助投寄機覆蓋18區
【明報專訊】香港郵政近期推出自行研發嘅「智郵寄」，機器配備3D掃描器，可自動量度郵件尺寸和重量，方便市民不受郵局營業時間限制，可以隨時自助投... 詳情
相關新聞
