【Emily】法國慶酒會 林定國搶閘祝酒 3前特首前後腳赴會

律政司林定國（左四）喺法國國慶酒會致辭時話，法國食品、酒、電影同時裝已係香港都會文化嘅組成部分，仲騷咗句法文話「vive la France（法國萬歲）」，搶閘幫主人家祝酒。法國駐港澳總領事杜麗緹（右四）都講咗句廣東話祝酒，話「為法港友誼乾杯」。除林定國，代表特區政府出席嘅仲有孫東（左二）同許正宇（右三）兩名局長，仲有行會召集人葉劉淑儀（左三）。（明報記者攝）

【明報專訊】法國駐港澳總領事館噚日舉辦法國國慶日酒會，3任前特首曾蔭權(Donald)、梁振英(CY)、林鄭月娥(Carrie)少有前後腳出席，其中CY同Carrie到場逗留咗一陣就走，而曾經畀CY入稟告誹謗嘅立法會會計界前議員梁繼昌(Kenneth)就同CY擦身而過，最終「冤家不聚頭」，Kenneth可安心享用法國靚酒。

法國駐港澳總領事杜麗緹致辭時，特別感謝3任前特首支持法國同香港關係。佢又話期待香港同法國喺商貿、文化同旅遊方面增進伙伴關係，亦期待喺一國兩制框架、堅持法治同基本自由下，強化同香港嘅關係。

代表港府出席嘅律政司長林定國(Paul)就以前法國外方傳道會大樓、位於砲台里嘅前終審法院大樓為例，話香港同法國有好長嘅關係。雖然法國行大陸法，Paul就提醒有意深化內地市場嘅法國公司，香港喺亞太區擔當法律服務樞紐角色，會繼續堅持法治同司法獨立。致辭尾段，Paul搶閘幫主人家祝酒，順便騷咗句法文「vive la France」(法國萬歲)。

更多港聞

【Emily】表揚工程項目 港3署獲英國Martin Barnes大獎

【明報專訊】發展局及轄下工務部門前日喺英國倫敦舉行嘅「新工程合約」2023年度會議暨Martin Barnes頒獎禮，獲頒多個獎項及嘉許狀，... 詳情

【Emily】邵家臻探戴耀廷監 憶監獄酷熱日子

【明報專訊】近日天氣酷熱，天文台仲預測今日市區最高氣溫會去到36℃，立法會前議員邵家臻噚日喺facebook發帖，話同民主黨成員林子健去咗赤... 詳情

【Emily】推廣「綠新活」 消委會書展攤 做任務贏綠禮

【明報專訊】書展嚟緊7月19日至25日喺灣仔會議舉行，消費者委員會都會參與，將以「選擇綠新活」做主題，推出「綠」大獎賞，只要到時去消委會攤位... 詳情

【Emily】迪士尼百周年 海港城LCX打卡玩遊戲

【明報專訊】九龍倉旗下商場噚日開始至9月3日舉行香港最大型嘅迪士尼100周年活動——《Disney 100：Travel Together ... 詳情