【Emily】推廣「綠新活」 消委會書展攤 做任務贏綠禮
[2023.07.15] 發表
【明報專訊】書展嚟緊7月19日至25日喺灣仔會議舉行，消費者委員會都會參與，將以「選擇綠新活」做主題，推出「綠」大獎賞，只要到時去消委會攤位訂閱《選擇》月刊，同埋完成6項指定任務，最多可以獲得6份禮品。大家仲可以喺攤位嘅兩大特色打卡位影相留念。
Emily向消委會打聽任務內容，除咗訂閱《選擇》可以得到環保又實用嘅全新訂閱禮品，follow消委會嘅社交媒體、使用電子貨幣交易，都可以獲額外禮物。去唔到書展嘅朋友都唔使失望，消委會仲有個「宅家優惠」，指定限期內訂閱《選擇》同樣有禮物收。
消委會又話，向消費者推廣綠色生活唔止係一種選擇，綠色消費仲係《選擇》提倡嘅生活取向，今次攤位首次以硬紙板製作展示板、工作枱等，書展結束後可回收降解或重用。
更多港聞
【Emily】迪士尼百周年 海港城LCX打卡玩遊戲
【明報專訊】九龍倉旗下商場噚日開始至9月3日舉行香港最大型嘅迪士尼100周年活動——《Disney 100：Travel Together ... 詳情相關新聞
