【Emily】議員參觀港台 讚多推國安節目
[2023.06.17] 發表
【明報專訊】港台近年「轉型」製作更多有關愛國主義、國家安全等節目，以往不滿港台嘅一啲立法會議員，𠵱家都讚番港台，噚日立法會資訊科技及廣播事務委員會參觀港台，廣播處長張國財都簡介港台推廣國安、國民身分認同、更好認識國家歷史文化與最新發展、同埋政府政策嘅工作，委員就期望港台繼續「說好香港故事」。
經民聯陸瀚民參觀期間仲同太太洪綺敏合照，不過就隔住個屏幕。無做新聞主播一段時間嘅洪綺敏仍然有主持幕前工作，包括主持港台節目，參觀團去到剪接室，工作人員就咁啱處理緊洪綺敏嘅節目，所以造就「合照」。
好多立法會議員都不時去港台訪問，噚日終於可以參觀未去過嘅地方，例如節目錄音室、中央控制室、設「綠幕」虛擬布景嘅錄影廠等。民建聯顏汶羽話最難忘去到音樂圖書館資料庫，原來入面有38萬張唱片，當中有唔少經典黑膠碟。
更多港聞
相關新聞
