【Emily】被唱「渣男」 柯仔喊屈報警

[2023.06.14] 發表

【明報專訊】民建聯觀塘區議會主席柯創盛近日惹是非，網上有人流傳一張有色情成分嘅傳單，上面有柯仔嘅大頭相，仲話佢「搞大人地老婆個肚」。柯仔噚日就好嬲，講明已報警，佢仲同Emily講絕對無做過傳單上講嘅不道德行為。至於係咪區選期近，有人想惡意攻擊佢，柯仔就話形勢難料，唔知因由，批評「明人不做暗事」。

柯仔噚日亦主動將傳單放上社交媒體，申訴畀人中傷。佢將傳單中嘅相打格，而傳單上其實有3張相，左右兩張係性愛場面，但睇唔到人樣，中間嗰張就係柯仔嘅單頭相，傳單上話柯仔有不道德行為，叫佢休想再選立會。

柯仔嘅政界朋友都留言對佢投信心一票，黨友何俊賢留言話事件好假，指傳單上性愛場面嘅相明顯係有人喺現場影，「做到咁有心都真係有啲難」。

事件另一搞笑位係有街坊留言話唔係關心柯仔，而係話廣田商場有條電梯壞咗成個月，問柯仔可唔可以跟進？柯仔就回覆話其實已跟進，有待更換電梯。

更多港聞

【明報專訊】世界女排聯賽香港站賽事噚晚喺紅館開鑼，中國隊主場出戰，特首李家超（前排右二）、中聯辦主任鄭雁雄（前排左二）、外交部駐港特派員劉光... 詳情

【明報專訊】立法會即將「放暑假」，好多會議都加快步伐，其中審議區議會修例草案嘅法案委員會經過「馬拉松式」開會，噚日完成所有審議程序，下個月5... 詳情

【明報專訊】消防處最近拍咗套新宣傳片，係有關成立大廈法團嘅，但明明大廈法團一向由民政事務總署負責，點解關消防處事呢？消防處先上載第一集宣傳片... 詳情

【明報專訊】視力問題宜及早醫治。香港教育大學學者傅弘的兒子約8年前讀幼稚園時，被教師發現有斜視迹象，及後接受診斷，她慶幸兒子及時獲治療，幾年... 詳情

【明報專訊】香港教育大學心理學系獲平等機會委員會資助，就「家庭友善僱傭措施」（FFEPs）做研究。400名有家庭照顧責任的僱員於2021年2... 詳情