【Emily】創新建築融藝術 金鐘會展站獲5獎
[2022.12.30] 發表
【明報專訊】港鐵東鐵線過海段今年5月15日通車，沿線嘅金鐘站擴建部分同埋全新嘅會展站，近日獲得3個本地同國際知名設計同建築獎項合共5項大獎，以表揚兩站卓越同創新嘅建築設計同埋融入藝術元素。
港鐵公司總建築師文若德話，鐵路服務係推進城市流動性嘅關鍵部分，設計新車站時會力求喺實用同建築美感之中取得平衡，一方面為乘客提供快捷同有效嘅運輸服務，同時喺建築設計入面加添藝術氣息。
兩個車站之中，採用多層中庭設計嘅金鐘站擴建部分獲得3個獎項，當中包括香港設計大獎2022「建築—公共機構」金獎；至於設有壁畫裝置嘅會展站則獲得該獎項嘅銀獎。兩個車站都獲得繆思設計大獎2022「建築設計—交通」銀獎，而金鐘站再獲得美國建築大師獎2022「建築設計/交通」榮譽獎。
更多港聞
【明報專訊】唔少人成日將新加坡同香港比較，新加坡財長黃循財（Lawrence Wong）噚日公布，將會喺出年嘅2月14號向新加坡國會報告新一...
詳情
相關新聞
