【Emily】重建戶學童夾band 連繫舊街坊 半年參與4實體騷 盼復常下多表演
[2022.12.28] 發表
【明報專訊】聖誕節啱啱過咗，加上新冠疫下開始復常，Emily就周圍去睇表演同打卡。其中市建局成立嘅「市建童樂．社區樂團」同「音樂兒童基金會」首度合作，25個小朋友前日一齊喺灣仔利東街音樂匯演，仲用夏威夷小結他同迷你電子琴演唱咗4首歌，希望用歌聲為社區帶嚟節日氣氛。
怕醜女孩變樂團師姐 社工感動
樂團團員來自受重建項目影響而要搬遷嘅學童，佢哋即使搬屋，都可以透過音樂連繫舊街坊同認識新朋友。讀緊中一嘅譚羽鈞已經係樂團嘅「大師姐」，跟樂團參加過十幾場公開演出，今次表演仲係第一次公開做小主持，同觀眾介紹喺樂團成長嘅小故事。原來以前羽鈞嘅性格比較怕醜同被動，甚至成日要社工提佢「行近啲支咪」，佢加入樂團後，已經可以教番其他小團員唱歌，認識多咗志趣相投嘅朋友，變得愈來愈有自信。
駐團社工葉彩霞就話，知道羽鈞升中後功課壓力大，但仲好積極參加樂團繼續學音樂，甚至最近一次表演主動同社工講「擔心14歲之後要離開樂團」，令葉覺得好感動，因為可以見證團員成長同唔同階段嘅變化。
第五波疫情期間樂團運作都受影響，但已走向復常，可以有番實體表演。短短半年間，樂團舉辦同參加咗4次實體表演，期望新一年安排更多表演，將歡樂傳遞畀市民。
更多港聞
【Emily】港辦國際象棋邀請賽 為明年亞運熱身
【明報專訊】香港踏入復常之路，團體紛紛舉辦各類國際賽事，香港國際象棋總會舉辦首屆香港青少年國際象棋亞洲紫荊邀請賽，賽事噚日開幕，為期4日，2... 詳情
【Emily】第五針後少少攰 葉劉打二價復必泰
【明報專訊】香港同內地有望下月中通關，有人擔心通關後會有「搶藥搶針」潮，政府上周四（22日）強調，復必泰二價疫苗會優先免費畀香港居民接種。行... 詳情
【Emily】內地疫熾 港派國產藥 馮家強：感覺怪怪
【明報專訊】內地近日新冠疫情爆發，撲熱息痛等藥物供應不足，多地民眾要張羅物資，不過，港府近日向染疫市民派嘅抗疫物資包，原來係派緊國產撲熱息痛... 詳情相關新聞
