【Emily】內地疫熾 港派國產藥 馮家強：感覺怪怪
[2022.12.28] 發表
【明報專訊】內地近日新冠疫情爆發，撲熱息痛等藥物供應不足，多地民眾要張羅物資，不過，港府近日向染疫市民派嘅抗疫物資包，原來係派緊國產撲熱息痛藥「對乙酰氨基酚片」(圖)。前教協總幹事馮家強近日驗到第二度中招，佢噚日喺facebook分享收到政府嘅物資包，包括國產撲熱息痛藥，佢慨嘆𠵱家中招呈報，港府反而「免費送你一盒大陸生產的撲熱息痛」，「還不忘提醒你這是中央支援」，但內地就爆疫中，令他不禁反問「是不是感覺有點怪怪的？」
馮家強2月中過招，佢前日喺fb講再次驗到快測陽性，當日呈報後，噚日收到物資包。佢噚日喺fb分享物資包有國產撲熱息痛後，帖文吸引到唔少網民留言，有網民話醫管局都用咗呢隻好耐。馮家強就回覆話，只係覺得，香港獲中央支援下入咗好多國產貨，但內地現時唔夠貨，內地人反而要掉轉搶香港賣嘅貨。
更多港聞
相關新聞
