【Emily】賞你遊再啟 170團任揀
[2022.11.22] 發表
【明報專訊】旅遊發展局繼早前推出第四輪「賞你遊香港」首批登記後，今朝10點起開放第二批申請，市民憑最多兩張本地零售或餐飲實體店嘅單據，喺上個月20日後消費滿800蚊，就可以根據旅發局嘅旅行團名單，聯絡所屬旅行社報名，換取免費參加本地遊名額一個，或者畀數十元至200元不等嘅團費參加「尊尚旅行團」。
今輪第二批嘅旅行團本月26日至下年2月28日出發，有170個團可以揀，主題包括歷史古蹟、探索文化、大城小區、維港秘景同埋尋覓美食。免費團方面，行程包括品嘗法式風味菜、日韓燒烤火鍋、參觀錦田樹屋，又或者「瑜伽素食文化遊」，喺行完故宮博物館後，再去海濱參加瑜伽工作坊等等。收費團方面，可以選擇參加製作護膚品或者馬賽克燭台嘅工作坊，又或者到酒店享用海鮮晚餐等。
更多港聞
【Emily】學生繪皇后山 作品印上九巴「巡迴」
【明報專訊】為咗鼓勵學生同市民認識新發展區皇后山，九巴早前以北區小學生為對象，舉辦「Queen's Bus?巴士車身設計比賽」。比賽結束，並... 詳情
公經社課本限採「已成熟」議題 指引要求多用官方資料 教師憂課堂難有趣
【明報專訊】取代初中生活與社會科的公民、經濟與社會科（公經社科）下年9月試行，2024年9月全港中學全面推行，中一課本亦於屆時出爐。教育局近... 詳情
相關新聞
