【Emily】學生繪皇后山 作品印上九巴「巡迴」

【Emily】學生繪皇后山作品印上九巴「巡迴」

[2022.11.22] 發表

【明報專訊】為咗鼓勵學生同市民認識新發展區皇后山，九巴早前以北區小學生為對象，舉辦「Queen's Bus?巴士車身設計比賽」。比賽結束，並喺上周五(18號)同噚日舉辦頒獎禮，三甲作品將於未來一年，以車身廣告形式喺北區行駛嘅巴士車身上展出；車廂內部更加會有作品展，其餘所有參賽作品會印喺巴士上下層車廂嘅天花板，九巴話，希望將藝術帶入市民日常生活。

比賽冠軍由香海正覺蓮社佛教正慧小學嘅朱雅雯同學奪得，佢話對於獲獎感到開心同意外，又提到作品上嘅人物係爸爸、媽媽同婆婆等家人，而媽媽平時有同佢講解皇后山嘅事物，所以佢都將建築物等加入畫中。

五旬節于良發小學嘅余海晴及蘇宇芊同學，分別獲得亞運同季軍，蘇宇芊半年前同屋企人搬入皇后山區，對呢區建立感情，區內獲保育嘅大樹、遊樂場等都加入畫中。對於作品可以印落巴士上，蘇同學都覺得好興奮。