【Emily】白內障術後 曾俊華跳入動畫教護眼
[2022.11.21] 發表
【明報專訊】前財政司長曾俊華原來幾個月前做過白內障手術，佢話呢件事令佢深深體會到健康視力嘅重要。佢指喺新冠疫情期間小朋友冇得返學，日日困喺屋企對住個電腦上網課，又少咗戶外活動機會，眼晴好容易有近視。曾俊華話同Bowtie/EVIGarten製作咗一齣護眼動畫《護眼小勇士》，講述小朋友小寶因為近視，誤將辣椒醬當成茄汁，於是走去眼科中心搵視光師「鬍鬚叔叔」驗眼，希望藉動畫令小朋友注意眼部健康同定期檢查眼睛。
料《正義迴廊》《一路瞳行》有獎
曾俊華做完手術，頻頻入場睇港產片，話近排唔少朋友向佢推薦《正義迴廊》，佢睇完覺得相當唔錯，指唔少朋友話呢套係今年電影獎項嘅大熱作品，佢都認同。佢另「貼」《一路瞳行》嘅惠英紅有機會攞獎，而呢套戲正正係講述一對失明夫婦同正常視力女兒相處嘅故事。
更多港聞
港大校委本科生代表履新 推動重建學生會 「掣肘中追目標」
【明報專訊】香港大學近年經歷不少風浪。本月初當選、上周接任港大校委會本科生代表的戚由康，入學3年，見證評議會「感激議案」風波後有同學被控違反... 詳情
相關新聞
