【Emily】往來朗屏站大棠山道 「紅葉巴士」啓航
[2022.11.21] 發表
【明報專訊】秋冬之間係元朗大棠賞紅葉季節，港鐵特別開設紅葉巴士K66A，接載市民由朗屏站出發直達大棠山道睇楓香林。「鐵仔紅葉巴士」噚日朝早11點正式接載乘客，有超過200人乘搭(圖)，港鐵話乘搭首班專車嘅乘客獲贈紀念品。另外，港鐵噚日喺客務中心，以及網上發售1:120「鐵仔紅葉巴士場景模型」，都有唔少「車膠」購買。
不過，據漁護署每周更新嘅「紅葉指數」(分為「綠」、「黃」、「開始紅」、「紅」和「樹葉疏落」5級)，至18日更新嘅指數仍為「綠」，即係尚未到最靚嘅賞紅葉時間。
港鐵K66A來回線，將於11月27日(周日)11點喺朗屏站開出；12月3日至明年1月15日，逢周六、日及公眾假期，早上9時至下晝2時，每10至20分鐘一班。詳情留意運輸署網頁。
更多港聞
【Emily】白內障術後 曾俊華跳入動畫教護眼
【明報專訊】前財政司長曾俊華原來幾個月前做過白內障手術，佢話呢件事令佢深深體會到健康視力嘅重要。佢指喺新冠疫情期間小朋友冇得返學，日日困喺屋... 詳情
港大校委本科生代表履新 推動重建學生會 「掣肘中追目標」
【明報專訊】香港大學近年經歷不少風浪。本月初當選、上周接任港大校委會本科生代表的戚由康，入學3年，見證評議會「感激議案」風波後有同學被控違反... 詳情
相關新聞
