【Emily】李怡故居開放日 舊書舊物供選購
[2022.11.05] 發表
【明報專訊】已故作家李怡去世將近一個月，佢嘅舊同事邱近思喺網上撰文話，李怡生前喺北角雋悅嘅舊居將會退租，由於屋內書籍、紀念品同生活用品等實在太多，所以決定嚟緊呢個禮拜日(6日)同禮拜一(7日)舉辦兩日「open house」(開放日)活動，畀讀者同各方友好以原價低於一折選購物品，亦會有李怡嘅舊著作出售，仲提醒大家帶定裝得重嘢嘅袋或小推車去揀。
根據李怡facebook上載嘅圖片，佢嘅舊居粗略估計有六七百本舊書，由已故中共領導人毛澤東、鄧小平，到作家卡夫卡等都有，仲未計李怡自己嘅著作。邱近思話，李怡講過雋悅係佢呢世人住過最喜歡嘅地方。
網上唔少書迷留言，有人叫影多啲相放上網，又有人要求留書之類，邱近思就話人手相對唔多夠，為公平起見，唔會預留，採取先到先得，仲訂下咗一啲守則，包括每次只限5人入屋、每人限逗留15分鐘、每人限揀10件書同紀念品等，亦謝絕傳媒、二手書店及任何商業行為。
更多港聞
【Emily】港科企入圍威廉王子「為地球奮鬥獎」
【明報專訊】本港創科界噚日又有好消息，本地環保能源科企Ampd Energy入圍由英國威廉王子創立、為促進環保嘅「為地球奮鬥獎」（Earth... 詳情
【Emily】陳浩濂同金融科技周嘉賓包廂睇七欖
【明報專訊】香港金融科技周（FinTech Week）噚日係最後一日，適逢一連三日嘅香港國際七人欖球賽開鑼，政府喺大球場設包廂，邀請來港參加... 詳情
【Emily】國際青年商會主席 首來港讚大自然美景
【明報專訊】除咗金融科技周等國際活動，國際青年商會（JCI）今個星期都喺香港舉行世界大會（World Congress），有3500個會員親... 詳情
【明報專訊】立法會教育事務委員會噚日開會時，一度出現系統故障，部分議員第一次撳發言掣後系統無反應，自由黨張宇人仲消失喺輪候發言條隊，委員會主...
詳情
相關新聞
