【Emily】港科企入圍威廉王子「為地球奮鬥獎」
[2022.11.05] 發表
【明報專訊】本港創科界噚日又有好消息，本地環保能源科企Ampd Energy入圍由英國威廉王子創立、為促進環保嘅「為地球奮鬥獎」(Earthshot Prize)最後十五強。最後5個得獎者下月喺美國波士頓揭盅，到時會喺威廉王子手中得到100萬英鎊獎金(約880萬港元)。
研發能源儲存系統減污染
今次入圍嘅Ampd研發能源儲存系統，較多應用喺建築地盤，減少對化石能源嘅依賴，從而減少污染。公司2014年喺香港成立，𠵱家已經有近100個工程項目用過佢哋嘅技術，創辦人黃文順(Brandon，圖)本身喺本地創科界都有名氣。Ampd喺LinkedIn留言話，好驕傲可以代表香港登上全球舞台。最後入圍嘅15個項目仲包括中國內地、印度、英國、荷蘭、肯雅等地嘅創業家。
英國駐港總領事戴偉紳恭喜Ampd入圍，話數以百計香港創業家為解決氣候變化貢獻佢哋嘅創意，好高興Ampd獲選為其中一個入圍項目，認為係認同佢哋減碳、令空氣更清潔嘅決心。
更多港聞
【Emily】陳浩濂同金融科技周嘉賓包廂睇七欖
【明報專訊】香港金融科技周（FinTech Week）噚日係最後一日，適逢一連三日嘅香港國際七人欖球賽開鑼，政府喺大球場設包廂，邀請來港參加... 詳情
【Emily】國際青年商會主席 首來港讚大自然美景
【明報專訊】除咗金融科技周等國際活動，國際青年商會（JCI）今個星期都喺香港舉行世界大會（World Congress），有3500個會員親... 詳情
【明報專訊】立法會教育事務委員會噚日開會時，一度出現系統故障，部分議員第一次撳發言掣後系統無反應，自由黨張宇人仲消失喺輪候發言條隊，委員會主...
詳情
相關新聞
