【Emily】室內口罩令 田北辰：零邏輯 冇道理
[2022.11.01] 發表
【明報專訊】𠵱家口罩令仍然喺室內處所實施，實政圓桌立法會議員田北辰噚日批評措施「零邏輯、效果低、冇道理」。佢舉例話，如果市民預訂一間function room食飯、打麻將、玩啤牌，雖然身處同一房間，但按法例市民打麻將時唔可以飲食。佢建議統一規定，所有室內處所須戴口罩，但飲食時豁免。
田北辰又以宴會為例，佢話大家一定會行嚟行去傾偈同敬酒，冇可能只留喺自己位，但現時法例規定食客只可以戴住口罩同其他人打招呼。佢批評𠵱家市民進入表列處所同餐廳都一定要打齊針同使用「安心出行」App，理應做乜都得，但法例仍限制部分處所內唔准飲食，認為係莫名其妙。佢話既然七人欖球賽過萬觀眾可除低口罩進食，點解其他處所唔得？佢促請政府盡快解決問題。
更多港聞
DSE預測等級 24卷準繩度低於50% 英文70％最高 中文通識50％
【明報專訊】考評局自新冠疫情起擴大中學文憑試（DSE）預測等級研究，疫情初期曾擬後備方案，由預測等級取代公開試。考評局昨日公布今年預測等級研... 詳情
相關新聞
