【Emily】梁熙拍10集《醫熙有您》講醫療問題
[2022.10.26] 發表
【明報專訊】今屆立法會有唔少新面孔議員，民建聯梁熙就專攻醫療政策，仲話會製作一連十集嘅《醫熙有您》短片，評論各項相關政策。梁熙噚日同一班黨友開記者會，預告今日會喺立法會提出有關「縮短公立醫院專科門診輪候時間」嘅議員議案。佢話公營醫療體系「人滿為患」，服務輪候時間過長都唔係一朝一夕，佢會喺節目中搵埋專家一齊，深入淺出咁講述情况，探討解決方法。
顏汶羽公布嬰兒用品價格調查
另一個民記新議員顏汶羽就關注家庭政策事務，噚日亦開記者會公布嬰兒用品嘅價格調查，話發現唔單止奶粉，尿片及濕紙巾等喺唔同銷售渠道嘅價格差距頗大，整體上，相比起網購平台、健與美連鎖店及超市，藥房嘅售價較平，同一貨品價格最多相差一倍半。不過，就算幫襯藥房，消費者都要貨比多家，因為佢哋發現，同一款奶粉喺沙田兩間藥房分別賣260蚊同468蚊，相差八成。
更多港聞
【Emily】環境局長參觀電動九巴 睇埋數散銀
【明報專訊】巴士公司引入新能源巴士，環境及生態局長謝展寰（後排右二白口罩）噚日就去咗九巴九龍灣車廠參觀，除咗了解新一代電動單層巴士嘅運作，仲... 詳情
【明報專訊】自2019年反修例風波，截至今年6月，7名教師被裁定專業失德被取消教師註冊（DQ）。新一份《施政報告》延續上屆政府制定「教師專業...
詳情
【明報專訊】為應對「大數據」趨勢，港大下學年（2023/24）推出工商管理學學士（會計數據分析）新課程，以提升學生在現今數碼轉型經濟下的競爭...
詳情
相關新聞
