【Emily】康署11月搞大埔海濱公園親子露營
[2022.09.28] 發表
【明報專訊】康文署噚日公布其中一項慶祝特區成立25周年活動，就係11月12至13日舉行「親子營敍星光下．大埔海濱公園」活動，市民可在公園內指定草地露營，參與風箏製作、草地滾球，晚上有星空導賞，及早上漫步自然生態徑等。政府嘅防疫社交距離措施唔係咁易理解，康文署喺大埔搞露營，但康文署及漁護署嘅燒烤地點及露營地點，就話因為疫情，一直關閉唔畀市民使用。
今次活動由賽馬會贊助，費用全免，市民需以家庭為單位報名，最少兩人、最多四人，當中須包括家長及至少一名18歲以下參加者。市民除咗可以喺大埔海濱公園露營，亦可以參加多項不同活動，而當日其他活動，唔係露營者都可即場報名參加。如果想參加親子露營，即日起至下月7日可以透過「康體通」或自助服務站報名，市民亦可向大埔區康樂事務辦事處提交報名表格。活動名額有限，報名人數超額將以抽籤決定。欲查詢可於辦公時間內致電3183 9020。
更多港聞
【Emily】美領館：世界旅遊日對港人別具意義
【明報專訊】噚日係世界旅遊日，多個國家已陸續解除防疫限制，大大力吸遊客，香港亦放寬入境措施到「0+3」，好多香港人已急不及待買機票、續領特區... 詳情
【Emily】病休後回法庭 蘇惠德半晝審逾40案
【明報專訊】《港區國安法》指定法官、總裁判官蘇惠德（圖）自舊年10月初起放病假，今年2月起復職，久未公開露面嘅佢噚日首次出庭，喺東區裁判法院... 詳情
相關新聞
