【Emily】民記出訪東盟 李慧琼機場巧遇CY
[2022.09.05] 發表
【明報專訊】民建聯一眾立法會議員出訪多個東盟國家，噚日正式啟程。其中民建聯主席李慧琼(Starry)率領嘅印尼團喺香港機場撞到準備去北京開會嘅全國政協副主席梁振英(CY)，Starry話趁機向CY反映落實「逆向隔離」、增加入境內地配額同埋早日通關等訴求。
民建聯今次兵分三路，分別出訪印尼、馬來西亞、新加坡、越南及泰國，主要行程包括拜訪當地商會同專業團體、與當地華商及港商交流等，宣傳香港嘅發展。Starry話，抵達雅加達後獲得喺印尼駐港領事館工作多年嘅印尼朋友迎接，非常感動，亦感謝港府駐雅加達經貿辦安排同協調今次行程。佢又話近年中國同印尼關係緊密，今次行程亦可能有機會參觀中印標誌性嘅旗艦合作項目。
至於到訪越南嘅陳恒鑌就話，越南係東盟國家當中人口最年輕、增長最快嘅經濟體之一，而去年越南更加係香港第七大對外貿易伙伴，喺東盟國家中僅次新加坡，所以佢希望透過今次出訪，推動兩地拓展更大合作空間。
更多港聞
【明報專訊】彭博社上周報道，話政府內部對11月前放寬隔離意見分歧；醫務衛生局長盧寵茂喺網誌不點名大罵彭博，並反駁政府內部抗疫路線上無分歧，連...
詳情
【Emily】劏房戶為子置二手鋼琴 鄧炳強探訪讚得獎爭氣
【明報專訊】新一屆政府話要處理跨代貧窮問題，司局長不時落區探訪基層，保安局長鄧炳強噚日就去觀塘探劏房戶。安排官員探訪嘅觀塘區議會主席柯創盛（... 詳情
【明報專訊】早前卸任安老事務委員會主席嘅行政會議成員林正財，最近接受中新社專訪，大談點樣應對安老服務嘅三座大山，即係「錢」、「地」、「人」。...
詳情
相關新聞
