【Emily】新城last day 洪綺敏話唔會入政府
[2022.08.13] 發表
【明報專訊】曾經幫前特首梁振英助選嘅前新聞主播洪綺敏(Cathy)原先幫新城電台主持節目，日前佢喺個人facebook話喺新城last day，仲同台前幕後合照。據Emily了解，Cathy所屬嘅政黨經民聯有推薦Cathy加入政府，Emily問過Cathy之後動向，佢話梗係唔會入政府，又話會繼續「緊守崗位」。
𠵱家喺林建岳麗新集團做嘢嘅Cathy話，喺CY年代試過走入候任特首辦做助理，認為𠵱家自己喺商界都可以運用自己專長，服務到社會。
話做咗年幾夠喉 趁暑假唞下
Cathy話本身喺新城節目打算做一季13集，一個禮拜一集，唔經唔覺做足84集，已經超過一年有凸，自己都覺得夠喉，趁暑假唞下，日後都可以再續前緣。雖然暫別新城，但Cathy𠵱家都仲有幫港台做《盤點25年》，大家仲會喺公仔箱見到佢。
更多港聞
【Emily】新民黨施俊輝做教局副局 葉劉：冇推薦 唔記得佢係黨員
【明報專訊】政府上個月委任新一批副局長同政治助理，其中4人有新民黨背景，包括教育局副局長施俊輝（圖）、勞福局長政治助理傅曉琳、創新科技及工業... 詳情相關新聞
