【Emily】新民黨施俊輝做教局副局 葉劉：冇推薦 唔記得佢係黨員
[2022.08.13] 發表
【明報專訊】政府上個月委任新一批副局長同政治助理，其中4人有新民黨背景，包括教育局副局長施俊輝(圖)、勞福局長政治助理傅曉琳、創新科技及工業局長政助廖添誠、運輸及物流局長政助陳閱川，好多人認為新民黨係大贏家，但新民黨主席葉劉淑儀向網媒「堅料網」透露，新民黨向政府推薦而獲委任嘅只有3人，施俊輝唔係推薦名單上。葉太仲話唔記得施俊輝係黨員，好耐無來往，話對方係向政府毛遂自薦。
翻查現時問責團隊嘅政黨背景，民建聯所佔比例最高，官位亦最高，唔計已退黨嘅副律政司長張國鈞，包括財庫局長許正宇、商經局副局長陳百里、政制局副局長胡健民同多名政治助理。
民建聯最多官 葉太：亦步亦趨
葉太形容新民黨「只係亦步亦趨」，又話新民黨未來仍會培育更多人才，向政府輸送。
更多港聞
相關新聞
