【Emily】漁署郊園攝影賽 入圍作品線上睇
[2022.08.09] 發表
【明報專訊】漁護署喺6至7月期間舉辦香港郊野公園攝影暨短片比賽，主題為「香港郊野公園的優美景致」，比賽已截止報名，共收到超過1400份參賽作品，入選作品已上載到比賽嘅網站。主辦單位將於本月下旬公布賽果，每個組別嘅冠亞季軍分別可獲得1萬元、5000元同3000元現金獎，優異獎都有1000元，全部得獎者都可獲得獎狀同12期《國家地理雜誌中文版》。
比賽分為3組：風景攝影組、手機風景攝影組同風景攝錄組。Emily瀏覽過比賽網站，兩組攝影組分別有50份入圍作品，題材由雲海、夕陽、星空，到山徑、霧林、海岸風景等都有；攝錄組有15段影片入圍，部分影片突顯出香港郊野同城市間近在咫尺嘅特色，真係每張相、每段片都好靚，負責評審嘅專業攝影師同漁護署代表組成嘅評審委員應該相當頭痛。大家可以上官網(bit.ly/3d8mYEl)欣賞入選作品。
更多港聞
【Emily】東邊街北規劃諮詢 民記倡設寵物共融設施
【明報專訊】政府正就位於中西區海濱長廊嘅「東邊街北休憩用地規劃」諮詢，建議增添跨代共融遊樂空間、臨海休憩空間、觀景台、嬉水區及嬉沙區等設施，... 詳情
【明報專訊】新冠疫情對商貿及展覽業好大影響，香港貿發局主席林建岳聯同總裁方舜文喺5月及6月去咗一轉泰國及日本，話去宣傳香港，說好香港故事，邀...
詳情
【明報專訊】因「35+初選案」被控《港區國安法》串謀顛覆國家政權罪嘅劉頴匡，其女朋友黃于喬（Emilia）除咗不時喺社交平台更新劉嘅近况，亦...
詳情
相關新聞
