【Emily】林建岳訪日 青森官員應邀參與美食博覽
[2022.08.09] 發表
【明報專訊】新冠疫情對商貿及展覽業好大影響，香港貿發局主席林建岳聯同總裁方舜文喺5月及6月去咗一轉泰國及日本，話去宣傳香港，說好香港故事，邀請外賓、外商來港出席今年多項展覽及論壇。其中周四起喺會展舉行嘅美食博覽，就因為佢哋出訪，請到日本青森縣嘅官員率團嚟參與，銷售各款農產品。方舜文話，青森縣除咗蘋果出名，出訪時仲試食過當地帶子及清酒，大讚味道一流、性價比高，如果參展商有帶嚟銷售，大家唔好錯過。
對於政府噚日公布放寬旅客入境隔離日數，採用「3+4」(即住3日隔離酒店)安排，林建岳話方向正確，但政府可以行多一步，例如政府早兩年因為想刺激旅遊業推出送機票計劃，及後因為疫情其實無用過呢批機票。佢就提議政府不如將機票送畀來港開會、搞展覽嘅人，亦可送酒店優惠，旨在話畀外地人知香港大門開啟，歡迎佢地返嚟香港做生意。
更多港聞
【明報專訊】因「35+初選案」被控《港區國安法》串謀顛覆國家政權罪嘅劉頴匡，其女朋友黃于喬（Emilia）除咗不時喺社交平台更新劉嘅近况，亦...
詳情
相關新聞
