【Emily】跟進港人內地戶口解凍 梁熙話曾遭銀行誤解
[2022.08.03] 發表
【明報專訊】新冠疫情下唔少市民去唔到內地，搞到未能處理內地銀行帳戶事宜而被凍結戶口，好麻煩，牽連到內地物業供款等問題。港島東民建聯議員梁熙早前喺立法會跟進事件，金管局主動聯絡佢並跟進，梁熙噚日喺facebook交代進展，話至今已處理超過半數由佢轉介嘅個案。
金管局關注事件，並同4間內地銀行洽商處理做法，梁熙早前亦已出帖解釋最新措施，受影響市民可以透過內地銀行在港嘅分行或客戶服務，協助處理內地銀行帳戶事宜。但原來事件仲未完，梁熙噚日話早前有市民向佢反映，部分銀行表示資料有誤，甚至聲稱梁熙提供嘅銀行新聞稿係「假資訊」，透過金管局了解後，先發現最新資訊未完全傳達到銀行前線員工手中。
梁熙喺fb話，佢即要求相關銀行盡快將有關資訊及措施下達前線員工，確保職員準確處理市民求助。事件得到解決，梁熙話非常感謝金管局積極協助及跟進。
更多港聞
【Emily】紅隧50載 運署fb考古：諗過起去中環
【明報專訊】當年造價約3.2億港元嘅紅磡海底隧道，一直喺本港交通扮演重要角色，不經不覺，噚日（2日）紅隧已經迎來50歲。運輸署faceboo... 詳情相關新聞
