【Emily】助訓練演員朗誦 吳靄儀獲《七人樂隊》鳴謝

[2022.08.01] 發表

【明報專訊】近期上映嘅電影《七人樂隊》集合7位名導演用菲林拍嘅7條短片作品，訴說唔同年代嘅香港情懷。Emily留意到，片尾鳴謝名單包括立法會法律界前議員吳靄儀(Margaret)，莫非Margaret有份出橋？

原來唔係，根據Emily打聽，Margaret係幫手訓練其中一條短片女主角朗誦詩詞，訓練地點係上環中半山一間書店。至於具體係邊條短片同邊位演員，為免「劇透」，Emily要賣個關子。

《七人樂隊》電影大致順序由1950年代拍到展望將來，導演徐克最後嘅壓軸故事同場景被視為最天馬行空。另一個導演洪金寶日前喺導演分享會時，就話自己最欣賞徐克個古仔。

洪金寶仲形容，好似𠵱家社會「九唔搭八」，反問「每日朝頭早開收音機聽啲新聞，有幾多新聞你認為係啱(套電影)？尤其係我哋政府啲高官做嘢咁啊，你認為有咩嘅主題係啱？」說罷全場掌聲雷動。

更多港聞

【明報專訊】馬鞍山居民近日向區議員反映食水變黃，水務署話係錳含量稍高所致，居民擔憂食水安全。多年前曾跟進食水含鉛事件嘅民主黨黃碧雲都有關注情... 詳情

【明報專訊】新一屆政府問責官員中有新有舊，新任房屋局長何永賢噚日喺facebook發帖，介紹副局長戴尚誠同政治助理歐陽文倩。何永賢同戴尚誠相... 詳情

【明報專訊】香港明德會噚日舉辦首屆「十大傑出大學生選舉」開幕典禮，香港明德會會長李尚仁話「我哋（選舉）同其他唔同，唔會淨係臨尾present... 詳情