【Emily】十大傑出大學生選舉 8．14截止報名
[2022.08.01] 發表
【明報專訊】香港明德會噚日舉辦首屆「十大傑出大學生選舉」開幕典禮，香港明德會會長李尚仁話「我哋(選舉)同其他唔同，唔會淨係臨尾present」，而係希望透過工作坊幫大專學生擴闊人脈同埋視野，包括義工活動同企業交流；佢又話該會亦會做年輕人嘅就業橋樑，幫佢哋成為社會持份者。
合資格參加選舉者必須係全日制大學生或大專生，而且係香港居民，同時要有社會服務嘅相關經驗，冇嘅話可參加佢哋舉辦嘅義工服務。
選舉截止報名日期係8月14日，參加者可體驗唔同嘅義工活動及企業交流。評審團隊將以個人學術成績和獎項、活動嘅參與程度、公益及社區服務、面試表現，9月中旬揀出20名學生進入決賽，作最後甄選及面試。星級評判將於總決賽揀選10位最傑出大專學生，向得獎者派發1萬元獎金及獎狀。
更多港聞
相關新聞
