【Emily】故宮館推全年會籍 成人$600老幼$300
[2022.07.29] 發表
【明報專訊】香港故宮文化博物館月初正式開放以來，錄得超過10萬人次入場，7月至8月共27萬張門票已近售罄。為鼓勵市民持續支持、同博物館建立更密切聯繫，香港故宮噚日宣布推出「香港故宮之友」會籍計劃，畀會員限期內無限次入場參觀指定嘅專題展覽，並可享多項禮遇。
「香港故宮之友」會籍計劃噚日起喺網站接受申請，個人會籍600蚊，雙人會籍1000蚊；7至11歲或全日制學生、長者可用300蚊購得。家庭票盛惠1200蚊，包括兩大一小(7至11歲或全日制學生)。
會籍禮遇包括毋須網上預約，可無限次喺開館時間參觀展廳1至7，每名「香港故宮之友」會額外獲贈博物館進場禮券(適用於專題展覽及特別展覽廳1至9)，亦可以使用會員專用通道優先進館。
香港故宮文化博物館館長吳志華話，希望首批會員享受禮遇之餘，持續支持博物館嘅長遠發展、推動中華文化嘅傳承及創新。
更多港聞
【Emily】愛妻過身一年 盧偉國設紀念獎學金
【明報專訊】工程界立法會議員盧偉國嘅太太黃少珍（Adelina）舊年8月去世，噚日係兩人結婚44周年紀念，盧偉國喺facebook發文話，因... 詳情
【Emily】大馬榴槤商落戶香港 打算開零售店
【明報專訊】東南亞嘅土產熱帶水果向來受港人歡迎，馬來西亞其中一個最大嘅獨立農作種植者「頂好水果」，噚日宣布喺香港開設首間地區辦事處，利用香港... 詳情
相關新聞
