【Emily】大馬榴槤商落戶香港 打算開零售店
[2022.07.29] 發表
【明報專訊】東南亞嘅土產熱帶水果向來受港人歡迎，馬來西亞其中一個最大嘅獨立農作種植者「頂好水果」，噚日宣布喺香港開設首間地區辦事處，利用香港嘅自由港地位，拓展區內榴槤同熱帶水果出口業務，更打算開設自家品牌零售店。
頂好水果喺馬來西亞擁有逾30年果園種植經驗，管理500英畝(約202公頃)農地。該公司嘅農產品主要係榴槤同其他熱帶水果，包括山竹、紅毛丹、大樹菠蘿等，遠銷20多個國家及地區。
頂好水果(香港)業務發展總監陳香影話，香港有利該公司接通其他東南亞國家，因此選擇香港成立馬來西亞以外第一個據點，以擴展區內業務。佢又話有見香港市場對榴槤需求不斷增加，喺香港開設首間地區辦事處，除咗拓展新鮮榴槤出口業務，亦可開拓出口榴槤蛋糕同雪糕等產品。該公司亦計劃擴展業務至超級市場，仲話可能涉獵餐飲市場同開設自家品牌零售店。
更多港聞
相關新聞
