【Emily】首赴衛生委會 盧寵茂超時答唔晒
[2022.07.09] 發表
【明報專訊】醫務衛生局長盧寵茂上任後，噚日首次出席立法會衛生事務委員會會議，每名議員連問連答限時3分鐘，但盧局長回應議員提問嘅時候，成日答唔晒問題，搞到好多時都要書面回覆；另有議員想喺局長發言期間追問，最後要由委員會主席張宇人解圍，叫大家「尊重局長」，等佢講晒嘢先好插嘴。
經民聯梁美芬喺會上追問本港往內地嘅檢疫安排時，被張宇人叫停，提醒「梁議員，你等佢(盧寵茂)答啦好唔好」，梁講咗句「因為得3分鐘咋」，張就話「你唔問咁長佢咪可以答快啲，你繼續咁截住佢都答唔到」。
梁美芬姚柏良插嘴
張宇人叫「尊重局長」
緊接嘅旅遊界姚柏良就喺2分30秒、局長回答途中插入發言，話希望有關部門可以進一步考慮縮短酒店檢疫期，呢個時候張宇人就開咪呼籲各議員「尊重局長」，留待盧局長發言完先好再講嘢。
更多港聞
相關新聞
