【Emily】譚sir未轉陰 唔知感染源頭
[2022.07.05] 發表
【明報專訊】全國人大常委譚耀宗上月29日開始喺酒店隔離，準備出席30日同本月1日嘅慶回歸活動，點知30號當日核酸檢測結果不確定、及後結果陽性，而錯過同國家主席習近平合照、會面嘅機會。譚耀宗噚日朝早接受電視台訪問，話快速測試仍然係一條粗線、一條幼線，仲未轉陰性。
譚耀宗唔知新冠感染源頭，佢話上月底從北京開完全國人大常委會返港後，一直遵守閉環守則，「我自己諗唔到喺邊度(感染)，我接觸嘅人又好少，周邊身邊嘅人亦無事，包括太太、姐姐(家傭)、司機、同事等全部無事，我就唔好彩啦」。佢話多謝各界關心。
民建聯立法會議員何俊賢7月1日嘅檢測樣本為不確定，係低病毒樣本；7月2日檢測時證實確診。立法會秘書處前日公布，何俊賢最近返回立法會綜合大樓日期為7月1日，只到過地下低層停車場；當日曾接觸一名穿上全套保護衣嘅助理，該助理已做快速檢測，結果呈陰性。該黨主席李慧琼噚日話，何俊賢身體情况良好。
更多港聞
【Emily】環境及生態局開fb、Ig 吉祥物出動打氣
【明報專訊】由「環境局」改組而成嘅「環境及生態局」（Environment and Ecology Bureau, EEB），開咗新face... 詳情
音樂會增「AI自主」 聞歌起舞製動畫 浸大「訓練」避指示 展現學習理解力
【明報專訊】人工智能（AI）能否自主思考是近年熱門話題。浸大團隊透過投入訓練數據，最終讓AI自行「演繹」如何配合樂曲唱歌、跳舞及設計動畫，浸... 詳情
【明報專訊】香港恒生大學本學年加強推廣及支援同學在大灣區就業，包括在本年度的「恒大多元職業博覽」以大灣區發展為開幕論壇主題。恒大學生事務總監...
詳情
相關新聞
