【Emily】李百全函港台員工謝支持
[2022.07.01] 發表
【明報專訊】踏入七一政府換屆，在任行政會議15年嘅陳智思噚日喺facebook發帖，宣布正式離任由2017年7月起擔任嘅行會召集人一職。陳智思由2004年10月26日起成為行會成員，任期橫跨4任前特首，包括董建華、曾蔭權、梁振英及林鄭月娥，其間共出席545次正式會議，佢話能夠喺呢個崗位服務香港係佢嘅榮幸，又話「香港是我家」，往後日子「仍會盡我所能，以不同的方式服務社會」。
今日正式就職保安局常任秘書長嘅李百全，噚日最後一次以廣播處長身分向港台員工發信，話回想出任處長之初，港台面對多方面挑戰，喺「各方的支持」、「港台同事上下齊心」下，令港台「重回正軌」。李百全又感謝同事推出《憲法傳萬家》、《國安法事件簿》等節目，增加市民對國家及「一國兩制」嘅認識。
更多港聞
【Emily】現任前任大律師公會執委 黃若鋒廖玉玲獲委任區院法官
【明報專訊】司法機構噚日宣布委任兩名大律師黃若鋒和廖玉玲為區域法院法官，分別喺7月11日、7月29日起生效。兩人曾多次獲委任為高院暫委副司法... 詳情
【明報專訊】新一屆政府今日就職，新任副律政司長張國鈞噚日喺facebook上載約5分鐘嘅短片，告別立法會議員身分。佢喺片中帶大家參觀佢嘅辦公...
詳情
相關新聞
