【Emily】張國鈞告別議會 籲議員留意鏡頭
[2022.07.01] 發表
【明報專訊】新一屆政府今日就職，新任副律政司長張國鈞噚日喺facebook上載約5分鐘嘅短片，告別立法會議員身分。佢喺片中帶大家參觀佢嘅辦公室、議事廳及立法會5樓平台花園等地方。行入議事廳，張國鈞話議員好似置身「金魚缸」，睇唔到外面有人，但議會旁邊嘅單向玻璃背後就有好多傳媒鏡頭對住佢哋，「你玩電話、你電腦上網又好，或者你去睇雜誌又好，可以咁講，喺傳媒嘅鏡頭係無所遁形嘅」，提醒議員「緊記千祈千祈每一個鏡頭」。
張國鈞又帶大家參觀其議員辦公室，解釋牆上掛上老虎畫作，係因為自己屬虎同鍾意老虎「好靚」。佢又介紹佢嘅「迷你圖書館」，話書架上都係「佢喜歡睇嘅書」，每當喺議會辯論要引經據典，都會喺度搵所需論據。
Emily喺影片見到架上不乏政治類書籍，例如《習近平談治國理政》、《英國國會史》、美國前總統克林頓嘅My Life，同埋早前有中學自行下架、中共前中央總書記趙紫陽嘅回憶錄《改革歷程》。
更多港聞
相關新聞
