【Emily】市建助設計「仁愛居」 橫向佈局採光通風
[2022.06.27] 發表
【明報專訊】仁愛堂洪水橋過渡房屋項目「仁愛居」上周二舉行動工儀式，預計明年第二季落成入伙，提供410個單位。市建局行政總監韋志成噚日發表網誌話，仁愛堂邀請市建局參與項目嘅詳細設計，以及建造期間嘅項目管理工作，局方團隊從多方面提升住戶居住環境，同時優化建築工序，包括提前喺規劃階段展開詳細設計，壓縮流程，爭取最快於一年內完工，較一般規模相近嘅過渡房屋項目快一至兩個月。
韋志成話，傳統過渡房屋一般採用「直向型」佈局設計，大門設喺兩端，窗戶空間有限，亦不利通風；市建局團隊將組件以「橫向型」佈局，盡用牆身空間設置窗戶，以一個實用面積約250平方呎嘅3人單位為例，「橫向型」單位嘅窗戶面積約50平方呎，係「直向型」單位窗戶面積嘅3倍。
另外，「橫向型」單位會設置圍封式廚房，毋須安裝消防裝備；窗戶面積增加亦可以提供有窗嘅「光廁」，有助減低成本；增加窗戶嘅數量仲有助通風，喺酷熱天氣下感到較通爽，減少開冷氣，節省電費。
更多港聞
【Emily】撐科大「雙校互補」 董氏慈善基金捐1億
【明報專訊】香港科技大學及即將喺9月開校嘅香港科技大學（廣州），獲「香港董氏慈善基金會」捐贈1億元，以支持兩校喺「港科大一體 雙校互補」框架... 詳情
【Emily】灣仔海濱換夏裝 細路有得「自駕遊」
【明報專訊】發展局長黃偉綸噚日發表網誌，話為慶祝特區成立25周年，政府早前舉行「仲夏．維港」啟動禮，伙拍多名藝術家，為海濱兩岸六大主題區換上... 詳情
【明報專訊】職業訓練局（VTC）轄下的香港高等教育科技學院（THEi）開辦兩年兼讀制的「升降機及自動梯大師級專業文憑課程」，學歷達至資歷架構...
詳情
相關新聞
