【Emily】灣仔海濱換夏裝 細路有得「自駕遊」
[2022.06.27] 發表
【明報專訊】發展局長黃偉綸噚日發表網誌，話為慶祝特區成立25周年，政府早前舉行「仲夏．維港」啟動禮，伙拍多名藝術家，為海濱兩岸六大主題區換上夏日新裝，包括以仲夏熱氣球為題、位於灣仔渡輪碼頭旁嘅HarbourChill海濱休閒站，部分裝置利用回收物料如車胎、油罐和膠樽製成(圖)。
佢話，海濱共享空間除咗藝術裝置，仲有其他「期間限定」活動，例如今夏，灣仔渡輪碼頭旁邊嘅空置巴士總站會設計成「賽車跑道」，舉辦「維港兒童自駕遊」，將於7月3日開放預約，市民亦可預約早前推出嘅「維港踩鴨仔」水上單車。
黃偉綸將過渡下屆政府做副財政司長，佢話呢篇係佢以發展局長身分撰寫最後一篇《局長隨筆》，慶幸能夠成為政府管治團隊一分子，會盡力與大家一起做好未來工作。
更多港聞
【明報專訊】職業訓練局（VTC）轄下的香港高等教育科技學院（THEi）開辦兩年兼讀制的「升降機及自動梯大師級專業文憑課程」，學歷達至資歷架構...
詳情
相關新聞
