【Emily】韋志成再續任市建行政總監3年
[2022.06.11] 發表
【明報專訊】任期即將屆滿嘅市區重建局行政總監韋志成，噚日再獲政府續任3年，換言之，佢嘅累積任期有望長達9年，唔單止橫跨三屆政府，仲可以做埋歷來最長任期嘅市建局行政總監。
9年任期為歷來最長
政府噚日宣布，再度委任韋志成連任3年，6月15日起生效。發展局長黃偉綸話，歡迎韋志成繼續擔任市建局行政總監，並衷心感謝佢過去6年嘅努力。
韋志成係專業工程師，2016年獲時任行政長官梁振英委任為市建局行政總監，2019年再獲現任特首林鄭月娥委任，仲成為該局嘅行政主管兼董事會副主席。
未加入市建局之前，韋志成已服務政府35年，2015年4月退休前官至發展局常任秘書長(工務)。
更多港聞
【明報專訊】香港賽馬會董事局有人事變動，馬會噚日宣布，梁高美懿因年屆70歲退任，並獲邀出任名譽董事；其董事局成員空缺，會由行政會議召集人陳智...
詳情
相關新聞
