【Emily】旅議會組隊考察沙頭角 鄧炳強做導遊
[2022.05.10] 發表
【明報專訊】旅遊界立法會議員姚柏良噚日喺facebook話，政府將於下月初正式開放沙頭角禁區部分區域同埋碼頭，用嚟舉辦旅行團，以推動發展本地文化古蹟及鄉郊綠色生態深度遊。為讓業界深入了解沙頭角同印洲塘海岸一帶嘅旅遊資源和行程路線安排，旅遊業議會噚日組織咗業界各機構同商會代表，去沙頭角禁區考察，體驗由沙頭角碼頭到吉澳、荔枝窩嘅水線行程，佢哋嘅導遊仲要係保安局長鄧炳強呀。
姚柏良上載嘅相，其中一張係鄧炳強於沙頭角一間餐廳門口，著住便服、拎住個大聲公咪客串做導遊。姚解釋，噚日嘅活動得到保安局大力支持，鄧炳強同沙頭角區鄉事委員會主席李冠洪更親自帶領佢哋，參觀咗中英街、麻雀嶺羅家大屋，及遊覽吉澳島同荔枝窩，形容行程集歷史、文化古蹟、生態同地質於一身，令佢哋體驗咗一個難忘旅程。
更多港聞
【明報專訊】9月新學年開始，公營學校新聘常額教師須在《基本法》測試取得及格，教育局今年設兩輪先導測試，次輪本月21日舉行。香港教育工作者工會...
詳情
相關新聞
