【Emily】警出版《戰疫》 憶駐守駿洋邨故事
[2022.03.30] 發表
【明報專訊】警隊內部刊物《警聲》最近出版咗特刊《戰疫》(圖)，講述警隊過去兩年點樣應對疫情，當中提到警隊駐守駿洋邨檢疫中心時，一對母女喺大堂大叫要離開，原來個女患咗紅斑狼瘡症，夠鐘覆診但又被隔離，最終警員幫手聯絡駐場醫生，寫信畀醫院申請改期。
《戰疫》提到，2020年初，當時「社會動亂」未平，警隊需要兼顧防暴同防疫工作。駐守駿洋邨時，警方曾遇到一個12歲南亞裔男童被列為密切接觸者，需要獨自檢疫。家人情急下搵咗識得烏都語嘅油尖旺區警民關係組警員幫手，向民安隊同衛生署解釋，希望有人同住照顧男童，最終一名家人獲准入住，成為日後照顧者跟檢疫者同住嘅先例。
特刊又提及警隊疫情以嚟協調超過270次圍封行動，高峰時派出近200名警員去追蹤辦工作，又兩度借出八鄉少訊中心做檢疫設施。警隊前年起偵破351宗網購防疫物資騙案，拉咗34人，另拘捕62人涉嫌呃政府防疫抗疫基金，同埋拉咗兩人賣「假針卡」。警務處長蕭澤頤喺序言就話警隊「必定竭盡所能，排除萬難，與市民一起走出『疫』境」。
更多港聞
【明報專訊】律政司喺一份立法會文件話，舊年8月由政府首席律師升做刑事檢控專員嘅楊美琪，職級升埋做律政專員，正式「坐正」，由今年2月13日生效...
詳情
【Emily】伊院po病人感謝信 台媽媽：溫暖如家鄉
【明報專訊】第五波新冠疫情下，公立醫院醫護面對龐大壓力，仍緊守崗位，其中伊利沙伯醫院醫護就收到唔同病人嘅感謝信。有來自台灣嘅新手媽媽，特意寫... 詳情
【明報專訊】唔少街坊有問題、有需要都會向區議員求助，但黃大仙區議員譚香文噚日喺facebook話，近日收到好多佢個選區「龍星區」以外嘅居民求...
詳情
七成教師不撐4．19復課 教聯會調查：85％認為要看確診宗數
【明報專訊】全港幼稚園及小學最快下月19日復課，教聯會調查發現，71％受訪教師不支持相關安排；85％教師認為復課要視乎新冠確診宗數。教聯會主... 詳情
【明報專訊】2022年日內瓦國際發明展本月在網上舉行，來自25個國家及地區超過780項創科發明參展，前日公布評審結果，本港有多間大學奪獎。港...
詳情
相關新聞
