【Emily】議員想邀司長上立會 主席想邀特首

[2022.03.19] 發表

【明報專訊】噚日立法會內務委員會開會，主席李慧琼引述政務司長李家超喺上月會面時話，即使官員同議員減少會議上接觸機會，但都會保持溝通，社福界議員狄志遠建議李家超再上立法會，講解政府下一步防疫策略，原來李慧琼已同立法會主席梁君彥傾過，想邀請特首到立法會。

另外，會上通過咗成立《2022年僱傭(修訂)條例草案》法案委員會，討論草案提出僱員接受隔離令或檢疫令可當病假等修訂，而財委會噚日亦通過咗2022至23年度嘅基本工程儲備基金整體撥款，總額近218億元。

早前部分官員嘅司機、秘書先後感染新冠病毒，最新一人係財經事務及庫務局嘅司機，負責副局長陳浩濂同其他局方相關駕駛工作。陳浩濂話上月中已開始自己揸車，「聽專家話，即使返工都盡量減少社交接觸」，最後一次同染疫嘅司機接觸係2月16日。

更多港聞

【明報專訊】早前宣布參選特首嘅冼國林，噚日接受網台訪問，話下星期一（21日）將推出最後一份政綱，主要提及點樣推廣影視業，包括要求內地放寬香港... 詳情